اسئلة ملهاش لازمة وبرضو مصرين يسالوها

في اسئله ملهاش اي لازمه بتتعرض ليها كل يوم مثلا يعنى...





انت في اوضتك..نايم في سريرك ومتغطى.. وطافي النور يجي حد يفتح عليك الباب من العائله الكريمه ويقولك... ايه ده انت هتنام ولا ايه؟؟
اظن ده مش وضع رقص!! واضح طبعا اني هنام

مثلا خارج من اوضتك في امان الله و رايح تعمل اي حاجة ييجي حد من افراد الاسرة اللذيذة يقوللك ايه ده انت صحيت؟
لا يا حبيبي بمشي و انا نايم

انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول... ايه ده انتوا جيتوا؟؟؟
لا لسه يا عنيا

انت لابس هدومك ومتأنتك وريحة برفانك جايبه للعمارة اللي جنبكوا وبتفتح باب الشقه وخلاص نازل ...تسمع حد من اهلك يقولك...ايه ده انت خارج ولا ايه؟؟؟
لا ابداً بجرب الباب بس

او مثلا انت ركبت عربيتك ودورتها وخلاص ماشي تلاقي البواب جاي يخبطلك عالأزاز!! انت بكل زوق تفتح تقوله في ايه؟؟
يقولك انت خارج بالعربيه يا بيه؟؟!!
لا العربية واحشاني شويه

مثلا ماسك سماعة التليفون وبتضرب رقم يجي حد من اهلك يقولك.... انت هتتكلم في التليفون؟؟؟
لا بسمع صوت الحراره

ربنا هديك كده وماسك الكتاب وعمال تحفظ وتذاكر ومتحمس قوي... تلاقي حد جاي يقولك..ها.. انت بتذاكر؟؟
تروح رامي الكتاب في وشه وتقوله لأ ده انا معجب بس بشكل اهله

هههههههههههههههههههههههههههههههههههههههههههههههه

لا جامدة يا hitsh والله انت تحفة

thx ya mony heya fe3lan as2ela to5no2
w thx ya hitch 3la damak el 3asal dah

مرسي اوى يا عادل على الرد ومرسي يا lovely.sh و مرسي يا نونو و مرسي يا admin

فعلا اسئلة مستفزة ....جامد الموضوع يا مونى