hani_mahmoud_89 سوا جديد
عدد الرسائل : 28 العمر : 36 الهوايات :
| موضوع: قصيدة جامدة جدا الثلاثاء أغسطس 12, 2008 6:29 pm | |
| دى يا جماعة قصيدة كتبها احمد فؤاد نجم قريب جدا ....واسمها من الرئيس الى الشعب... |
ياشعبي حبيبي ياروحي يابيبي ياحاطك في جيبي يا ابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن حسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
|
| |
|
التنين الاهلاوى سوا جديد
عدد الرسائل : 77 العمر : 37 البلد : المزاج : الهوايات :
| موضوع: رد: قصيدة جامدة جدا الثلاثاء أغسطس 12, 2008 7:16 pm | |
| ههههههههههههههههههههه اوعى لتتمسك بيها | |
|
hani_mahmoud_89 سوا جديد
عدد الرسائل : 28 العمر : 36 الهوايات :
| موضوع: رد: قصيدة جامدة جدا الثلاثاء أغسطس 12, 2008 7:39 pm | |
| لا ياعم انا ماليش دعوة نجم هو اللى هايتمسك مش انا ههههههههههههههههههههههههههه | |
|
NoNo سوا مميز
عدد الرسائل : 235 العمر : 34 البلد : الهوايات :
| |